*दुर्मिळ सवैया* 1,,करिया करिया दिखथे बदरा,अउ जाय कहाँ कति ले बरसे । सब खेत इहाँ परिया परगे ,अउ नीर बिना दुनियाँ तरसे । सुनले बिनती भगवान कभू ,किरपा करदे जग हा हरसे । जब तोर दया बरदान मिले प्रभु ,ये दुनियाँ मन हा सरसे । [ 2,,तन रोग घुना मन मोह घुना ,लगथे तब स्वाद सुहाय नही । कतको सिंचले दिन रात तभो ,जरहा लकड़ी हरियाय नही। कसके इरखा मन गाँठ बँधे ,सच ला छल हा पतियाय नही। अतका सुनले मनखे मन सागर लालच प्यास बुझाय नही । आशा देशमुख