*अरसात सवैया* 1--ये मन मा अँधियार हवे भरदे सब ज्ञान हरो तम शारदे । भागत हे बिन डोर बँधे कस दे भटके मन मा रम शारदे । ज्ञान बसे जब ये हिरदे सब देखत भागत हे भ्रम शारदे । देवव दान दया किरपा उजियार करो जग पूनम शारदे । 2--जेन किलो भर लाय कभू अब पाव धरे घर लावय गोंदली । साग पताल घलो मँहगा अति कोन कहाँ अब खावय गोंदली । वो दिन हा सपना कस लागय फोरन मा ममहावय गोंदली । हाट बजार लगे अइसे सबके सिर ताव नवावय गोंदली । आशा देशमुख

Comments

Post a Comment

Popular posts from this blog

*सुमुखी सवैया

सुमुखी सवैया नवरात घरो घर मंदिर जोत जले ,जग हा नवरात मनावत हे। चले धर सेउक हूमन धूपन ,माँदर ढोल बजावत हे। दिखै बगिया बड़ सुघ्घर माँ ,दिन रात बढ़े लहरावत हे। परे पइँया जग हा मइया ...
Read more

कुण्डलिया छंद मतदान के कीमत 1--सेवा करही कोन वो ,धरती दाई तोर। बिकत हवय ईमान हा ,अंतस रोवय मोर। अंतस रोवय मोर ,राज सच हा कब करही। फइले लालच रोग ,कोन दुख पीरा हरही। पइसा खेले खेल , हाथ मा धरके मेवा। पद सब उड़े अगास ,कहाँ धरती के सेवा। 2---अब्बड़ कीमत वोट के ,कोन हवय हकदार। सोचत रहिथंव रात दिन , कोन बनय सरकार। कोन बनय सरकार ,देश के पीरा जानँय। फेंके भ्रष्टाचार ,आम जनता ला मानँय। रखय तंत्र मजबूत ,करय झन कोनो गड़बड़। एक एक मतदान ,कीमती हावय अब्बड़। आशा देशमुख

Read more

बरवै छंद आये हे नवराती ,दीया बार। पारँव तोर दुवारी ,मँय गोहार। 1। दुख पीरा ला हरदे ,दाई मोर। बइठे हँव मँय दाई ,शरण म तोर।2। दे दे दाई मोला ,अँचरा छाँव। तोर नेवता पाके ,दँउड़त आँव।3। तिहीं रचाये दाई ,ये संसार। तोर मया बोहावय ,अमरित धार।4। तँय दाई हम लइका ,आवँन तोर। तोर दया के सागर ,करय हिलोर।5। तोर कृपा से जागय ,सबके भाग। कोंदा ला भी मिलथे ,वाणी राग।6। कइसे तोरे महिमा ,करँव बखान। सर्व शक्ति तँय दाई ,दे वरदान। 7। आशा देशमुख

Read more